الأسئلة الشائعة

هنا أجوبة أكثر الأسئلة اللي توصلنا عن الطلب والتسليم والدفع والضمان في ديجيتال بلس. ما لقيت جوابك؟ تواصل معنا وفريقنا يرد عليك.

الأسئلة الشائعة

وش هو متجر ديجيتال بلس؟

متجر متخصص بالاشتراكات الرقمية والألعاب: اشتراكات الذكاء الاصطناعي مثل شات جي بي تي وجيميناي، اشتراكات ادوبي وكانفا واشتراكات التصميم، أوفيس وويندوز واشتراكات الأعمال، وقيم باس وألعاب ستيم. نخدم السعودية والخليج وكل الدول العربية.

كيف أستلم طلبي؟

بعد الدفع توصلك بيانات الدخول أو رابط/دعوة التفعيل على الإيميل أو الواتساب اللي كتبته بالطلب. طريقة الاستلام تختلف حسب المنتج، ومكتوبة بالتفصيل بصفحة كل منتج.

كم ياخذ التسليم؟

كل منتج مكتوب بصفحته وقت التنفيذ: فيه منتجات توصل خلال دقايق، وفيه منتجات تتفعل خلال ساعات. فريقنا يشتغل يومياً من 11 الصبح لـ 11 بالليل بتوقيت السعودية.

وش الفرق بين حساب مشترك وحساب جاهز خاص وتفعيل على إيميلك؟

حساب مشترك: توصلك بيانات دخول جاهزة لحساب مشترك وتلتزم بضوابط الاستخدام المكتوبة. حساب جاهز خاص: حساب لك لحالك توصلك بياناته. تفعيل على إيميلك: الاشتراك ينضاف على إيميلك الشخصي. نوع كل منتج مكتوب بوضوح بصفحته قبل الشراء.

وش طرق الدفع المتوفرة؟

فيزا، ماستركارد، أمريكان إكسبريس، Apple Pay و Google Pay وغيرها. القائمة الكاملة بصفحة وسائل الدفع المتوفرة.

فيه ضمان؟

إيه، كل منتج ضمانه ومدته مكتوبة بصفحته، وفريق الدعم معك على الواتساب طول مدة الضمان.

أقدر ألغي الطلب أو أسترجع المبلغ؟

المنتجات رقمية، فما تسترجع بعد التسليم أو التفعيل. لو طلبت الإلغاء قبل ما نبدأ التنفيذ، يتم خصم الرسوم الإدارية ورسوم بوابة الدفع. التفاصيل بـ سياسة الاسترجاع والاستبدال.

صار عندي مشكلة بالتفعيل، وش أسوي؟

تواصل معنا على الواتساب من صفحة تواصل معنا، وارسل رقم الطلب والإيميل اللي استخدمته، ويفضل فيديو يوضح خطوات التفعيل عشان نحل المشكلة بسرعة.

أحتاج إيميل معين عشان أطلب؟

بعض الاشتراكات تتفعل على إيميلك، فلازم تكتبه صح وقت الطلب. وبعضها له شروط (مثلاً إيميل ما سبق تسجيله بالخدمة)، وهذي الشروط مكتوبة بصفحة المنتج.

ما لقيت الاشتراك أو اللعبة اللي أبيها؟

راسلنا من صفحة تواصل معنا واكتب اسم اللي تبيه، ونشوف إذا نقدر نوفره لك.

سياسات المتجر: سياسة الشراء · سياسة الاستخدام · سياسة الاسترجاع والاستبدال · سياسة الخصوصية